ՀՀ դիմորդներին ինչ է հարկավոր իմանալ Հայաստանում՝ Ռուսաստանի
Դաշնության Ուլյանովսկի բարձրագույն քաղաքացիական ավիացիայի ինստիտուտի
2019-2020 ուսումնական տարվա «Քաղաքացիական օդանավերի թռիչքային
շահագործում» մասնագիտությամբ մրցույթի ընդունելության քննությունների
անցկացման կարգի, ժամկետների և կանոնների մասին:

Ինչ է հարկավոր իմանալ մրցույթին դիմելու կարգի, ժամկետների և անհրաժեշտ
փաստաթղթերի մասին՝

Հայաստանի Հանրապետությունում բնակվող այն քաղաքացիները, ովքեր դիմել են
այս մրցույթին մասնակցելու համար, պետք է հանդիսանան հանրակրթական
դպրոցների շրջանավարտներ կամ ավարտական դասարաններում սովորող աշակերտներ և ունենան միջնակարգ կրթություն:

Դիմումների ընդունման վերջնաժամկետն երկարացվել է մինչև փետրվարի 15-ը,
ժամը 18:00-ը:

Մրցույթին մասնակցել ցանկացողները փաստաթղթերը կարող են ներկայացնել
մինչև 2019 թվականի փետրվարի 15-ը՝ ժամը 18:00-ն, ՀՀ քաղաքացիական
ավիացիայի կոմիտեի «Ավիաուսումնական կենտրոն» ՓԲԸ (հասցե՝ ք. Երևան,
«Զվարթնոց» օդանավակայան):

Դիմորդները պետք է ներկայացնեն հետևյալ փաստաթղթերը մինչև փետրվարի 15-ը, ժամը 16:00

• դիմում` մրցույթին մասնակցելու համար,

• անձնագրի պատճեն /եթե ունեն երկքաղաքացիություն, հարկավոր է

ներկայացնել 2 անձնագրերի պատճենները/

• ՈՒԻՔԱ-ի կողմից ներկայացված հարցաթերթիկ՝ լրացված համակարգչային

շարվածքով և վերևի աջ անկյունում փակցված նկարով,

• հանրակրթական դպրոցների ավարտական դասարանի դիմորդները պետք է

ներկայացնեն վերջին 2.5 տարիների առաջադիմության թերթիկ, իսկ

շրջանավարտները՝ ընդհանուր կրթության վկայական /ատեստատ, դիպլոմ/

նոտարական գրասենյակի կողմից ռուսերեն թարգմանված:

• արական սեռի անձիք հարկավոր է ներկայացնեն զինգրքույկի պատճեն, դրանց

փոխարինող կցագրման վկայական կամ զորակոչային տեղամասից համապատասխան

տեղեկանք:

• պոլիկլինկայից բժշկական տեղեկանք ընդհանուր առողջության վերաբերյալ
086У կամ 286У ձևաչափով /ռուսերեն լեզվով/
• բժշկական տեղեկանք ՁԻԱՀ/ՄԻԱՎ-ի վերաբերյալ /ռուսերեն լեզվով/
• տեղեկանք հոգեբուժական դիսպանսերից /ռուսերեն լեզվով/
տեղեկանք նարկոլոգիական դիսպանսերից /ռուսերեն լեզվով

• 3x4 չափի 8 գունավոր լուսանկար

Ուշադրություն՝

Ինչ է հարկավոր իմանալ մրցույթային քննությունների կարգի, ժամկետների և
անհրաժեշտ փաստաթղթերի մասին՝

Դիմորդներն անհրաժեշտ փաստաթղթերը ներկայացնելուց հետո և համապատասխան
տվյալներ ունենալու դեպքում մրցույթային քննություն կհանձնեն մաթեմատիկա և
ֆիզիկա /ռուսերեն և հայրեն լեզուներով/ առարկաներից գրավոր և բանավոր
քննությունների համադրմամբ: Այնուհետև կլինի նաև հարցազրույցի փուլ
/ռուսերեն և հայրեն լեզուներով/:

Ուշադրություն՝

Մաթեմատիկա և ֆիզիկա առարկաներից մրցութային քննություններ կանցկացվեն
սույն թվականի փետրվարի 16-ին առավոտյան ժամը 10-ին ՀՀ քաղաքացիական
ավիացիայի կոմիտեի «Ավիաուսումնական կենտրոն» ՓԲԸ (հասցե՝ ք. Երևան,
«Զվարթնոց» օդանավակայան):

Ինչ է հարկավոր իմանալ մաթեմատիկայի և ֆիզիկայի մրցույթային քննությանը
ներկայանալու և քննության կանոնների և կարգի մասին ՝

Քննության կարգը՝

Քննությունը կսկսվի փետրվարի 16-ին առավոտյան ժամը 10:00-ին և կտևի
շուրջ երեք ժամ: Մաթեմատիկայի և ֆիզիկայի գրավոր և բանավոր քննությունը
կանցկավի համատեղ: Քննության գրավոր մասից հետո մասնակիցները անհատապես իրենց գրավոր աշխատանքը կներկայացնեն քննական հանձնաժողովի անդամներին և կպատասխանեն քննական հանձնաժողովի հարցերին: Քննության գրավոր մասի ավարտից հետո մասնակիցներին կտրվի մեկ Ժամ հանգստանալու համար: Այնուհետև կանցկացվի քննության բանավոր մասը: Հարցերը հիմնականում վերաբերվելու են դիմորդների գրավոր աշխատանքներին, սակայն չեն բացառվում լրացուցիչ ածանցյալ հարցեր: Քննության արդյունքները որոշիչ դեր կունենան դիմորդի ընտրության որոշման կայացման հարցում ութսուն տոկոս կշռով:

Քննության կարգի կազմակերպչական մյուս մանրամասներին դիմորդներին
կծանոթացնեն տեղում՝ բանավոր կերպով:

Քննության կանոնները՝

Դիմորդները պետք է ներկա լինեն քնության լսարանում փետրվարի 16-ին
առավոտյան ժամը 9:30-ին:

Դիմորդները չեն կարող մասնակցել քննությանը, եթե նրանք ուշացել են 15 րոպե:
Դիմորդները պետք է ներկայացնեն անձը հաստատող փաստաթուղթ լսարան մտնելուց առաջ:
Դիմորդները պետք է նստեն քննական հանձնաժողովի կողմից նախապատրաստված տեղերում:
Դիմորդներին թույլ չի տրվում խոսել միմյանց հետ քննության ընթացքում:
Դիմորդներին չի թույլատրվում է չարտոնված որևէ նյութերի կիրառում
քննության ընթացքում (գրառումների բոլոր տեսակներ, ներառյալ ձեռքերի
նշումները, ուղեցույցներ)
Եթե քննության ընթացքում դիմորդի մոտ հայտնաբերվեն չարտոնված նյութեր,
ապա նա ինքնաբերաբար կզրկվի քննությանը մսնակցելու իր իրավունքից:
Դիմորդներին թույլ չի տրվում օգտվել բջջային հեռախոսներից (նույնիսկ
անջատված) կամ էլեկտրոնային այլ սարքերից:
Քննության ընթացքում դիմորդների մոտ բջջային հեռախոսի կամ ցանկացած
էլեկտրոնային սարքի հայտնաբերման դեպքում նա ինքնաբերաբար կզրկվի
քննությանը մասնակցելու իրավունքից:
Դիմորդներին թույլատրվում է իրենց հետ ունենալ հաշվիչներ և գրիչներ:
Դիմորդները չեն կարող միմյանց տրամադրել հաշվիչներ:
Դիմորդները իրենց հարցերը կարող են հղել քննական հանձնաժողովին
կազմակերպչական հարցերի շուրջ մինչև քննական լսարան մտնելը:
Քննության ընթացքում հարցերի դեպքում դիմորդները կարող են ձեռք
բարձրացնել որևէ անհստակություն ճշտելու համար և հանձնաժողովի անդամները
կմոտենան նրանց ու կփորձեն պատասխանել հարցերին:

Բացի վերոնշյալ ընդհանուր կանոններից, քննական հանձնաժողովի անդամները
իրավասու են համապատասխան նոր կանոնների մասին տեղեկացնել դիմորդներին
քննության ընթացքում՝ ելնելով քննական գործընթցի առանձնահատկություններից
և անկանխատեսելի իրավիճակներից:

Բոլոր լրացուցրիչ կանոնները պետք է բխեն դիմորդների շահերից և չպետք է
խոչնդոտեն նրանց գիտելիքները ներկայացնելու գործընթացին:

Քննության արդյունքների վիճարկման կարգը՝

Մաթեմատիկա և ֆիզիկա առարկաներից մրցութային քննությունների արդյունքների վերանայման և վիճարկման դեպքում համպատասխան դիմումների ընդունման գործընթաց կկազմակերպվի փետրվարի 18-ին առավոտյան ժամը 10-ին
քաղաքացիական ավիացիայի գրասենյակում:

Դիմորդները պետք է ներկայացնեն դիմում քննության արդյունքների վիճարկման
համար քննական հանձնաժողովի ադմինիստրատիվ կազմին:

Հաջորդիվ դիմորդներին կտեղեկացնեն գրավորների վերանայման կազմակերպչական մանրամասնների մասին և կկազմակերպվի գրավոր աշխատանքների վերանայման գործընթաց:

Տեղեկություն հարցազրույցի մասին՝

Հարցազրույցը տեղի կունենա սույն թվականի փետրվարի 19-ին ժամը 14:00-ին
ՀՀ քաղաքացիական ավիացիայի կոմիտեի գրասենյակում

Հասցե` ք. Երևան, «Զվարթնոց» օդանավակայան

Հարցազրույցը կազմակերպվում է հասկանալու համար դիմորդների անձնական
որակները և մոտիվացիան հետագայում օդաչուի կարիերա ունենալու համար:
Հարցազրույցի կհրավիրվեն միջինից բարձր արդյունք ցուցաբերած դիմորդները,
բայց որ պակաս քան չորս մասնակից: Հարցազրույցը կատարվելու է անհատական
կարգով: Հարցազրույցի արդյունքները կազդեն դիմորդի ընտրության որոշման
կայացման վրա միայն քսան տոկոս կշռով:

Տեղեկություն բուժզննման մասին՝

Փետրվարի 20-ին Մրցույթի ընթացքում ընտրված լավագույն դիմորդները պետք է
անցնեն վճարովի նախնական բուժզննում «Ավիաբուժ» բժշկական կենտրոն ՓԲԸ-ում սահմանված առողջական նորմերին համապատասխանելու համար:

Ուշադրություն՝

Նույն ձևաչափի բուժզննում հարկավոր է անցնել ՈՒԻՔԱ-ում, ինչպես նաև հոգեբանական թեստավորում մասնագետների կողմից:

Ընդունելության հետ կապված հարցերի դեպքում կարող եք զանգահարել(060)37-35-47 հեռախոսահամարով: