Քաղաքացիական ավիացիայի կոմիտեի նախագահ Տաթևիկ Ռևազյանի գլխավորությամբ հուլիսի 25-ին տեղի է ունեցել քննարկում 2018 թվականի հոկտեմբերին Երևանում անցկացվող Ֆրանկոֆոնիայի 17-րդ գագաթնաժողովի` ավիացիայի մասով իրականացվող ընթացիկ աշխատանքների վերաբերյալ: 

Հանդիպմանը ներկա էին գտնվում Կոմիտեի համապատասխան ստորաբաժանման ղեկավարներ, «Զվարթնոց» օդանավակայանի ծառայությունների ղեկավարներ և ՀՀ արտաքին գործերի նախարարության ներկայացուցիչ:

Քննարկմանն անդրադարձ է կատարվել գագաթնաժողովի անցկացման օրերին ինքնաթիռների վերգետնյա ծառայությունների կազմակերպմանը, ուղևորահոսքի սպասարկմանը և այլ կազմակերպչական աշխատանքներին: